પીટરસન ધોનીને પાછળ પાડી સૌથી મોંઘો ખેલાડી બનશે
આઇપીએલમાં આજે ૪૨ ખેલાડીઓ માટેની નિલામીઃમાઇકલ ક્લાર્ક રેસમાંથી બહાર

પણજી,તા.૫

ક્રિકેટ ઇતિહાસમાં નવી ક્રાંતિ આણનારી ઇન્ડિયન પ્રીમિયર લીગની બીજી સિઝન માટે આવતીકાલે ૪૨ વિદેશી ખેલાડીઓની નિલામી કરવામાં આવશે. ક્રિકેટરોને કરોડો કમાવી આપતી આઇપીએલની બીજી નિલામીમાં બધાની નજર પીટરસન અને ફિ્‌લન્ટોફ પર રહેશે. નિલામીના એક દિવસ પહેલા જ ઓસ્ટ્રેલિયાનો વાઇસ કેપ્ટન માઇકલ ક્લાર્ક રેસમાંથી ખસી જતા અનેક તર્ક-વિતર્કો શરુ થયા છે.

૫૦ માંથી ૧૭ ખેલાડીઓ પર મદાર રહેશે ઃપાકિસ્તાનના છ ખેલાડીઓને આઇપીએલ કોન્ટ્રાક્ટમાંથી મુક્ત કરાયા

પાકિસ્તાનના છ ખેલાડીઓને આઇપીએલ કોન્ટ્રાક્ટમાંથી મુક્ત કરાયા હતા જેમાં અખ્તર,યુનુસ,મલિકનો સમાવેશ થાય છે.ગોવામાં યોજાનારી આઇપીએલ ક્રિકેટરોની બીજી નિલામીમાં ઇંગ્લેન્ડનો કેપ્ટન પીટરસન ધોનીને પાછળ પાડીને લીગનો સૌથી મોંઘો ક્રિકેટર બની જાય તેવી શક્યતા છે. આઇપીએલે પીટરસનની બેઝ પ્રાઇઝ ૧૩ લાખ ૫૦ હજાર ડોલર નક્કી કરી છે.

ફ્રેન્ચાઇઝીઓમાં પણ પીટરસન જેવા આક્રમક સ્ટાર બેટ્‌સમેનને કરારબઘ્ધ કરવા માટે જબરદસ્ત હોડ લાગી છે. પીટરસન પછી બીજા ક્રમે અત્યાર સુધી માઇકલ ક્લાર્કને સ્થાન મળ્યુ હતુ.

માઇકલ ક્લાર્કની બેઝપ્રાઇઝ દસ લાખ ડોલર નક્કી કરવામાં આવી હતી. જો કે માઇકલ ક્લાર્કે વ્યસ્ત આંતરરાષ્ટ્રીય કાર્યક્રમનું બહાનું આગળ ધરીને નિલામીના એક દિવસ પહેલા જ પોતાનું નામ પાછું ખેંચી લીઘુ હતુ.

ઇંગ્લેન્ડના ઓલરાઉન્ડર ફિ્‌લન્ટોફની બેઝ પ્રાઇઝ ૯ લાખ ૫૦ હજાર ડોલર નક્કી કરવામાં આવી છે પણ તેના માટે ૧૦ લાખ ડોલરથી વઘુની બોલી બોલાય તેવી શક્યતા છે.

આઇપીએલમાં ખેલાડીઓની બેઝ પ્રાઇઝ

ઇંગ્લેન્ડ

પીટરસન	૧૩.૫૦ લાખ ડોલર
ફિ્‌લન્ટોફ	૯.૫૦ લાખ ડોલર
એલ.રાઇટ	૧.૫૦ લાખ ડોલર
ઓવેશ શાહ	૧.૫૦ લાખ ડોલર
કોલીંગવુડ	૨.૫૦ લાખ ડોલર
બોપારા	૧.૫૦ લાખ ડોલર
સમિત પટેલ	એક લાખ ડોલર

ઓસ્ટ્રેલિયા

એ.બર્ડ	૪૫ હજાર ડોલર
બી.ગિવેસ	૪૫ હજાર ડોલર
બી.મેક્ગેઇન	૫૦ હજાર ડોલર
હેરિસ	૫૦ હજાર ડોલર
થોર્નેલી	૫૦ હજાર ડોલર
જી.બેઇલી	૫૦ હજાર ડોલર
જ.મોસ	૫૦ હજાર ડોલર
એમ.ડીગ્ટોન	૮૫ હજાર ડોલર
એમ.હીલ	૫૦ હજાર ડોલર
જેક્સ	૧ લાખ ડોલર
હારવુડ	૭૫ હજાર ડોલર
ટૈટ	૨.૫૦ લાખ ડોલર
એસ.સ્મિથ	૭૫ હજાર ડોલર
એસ.ક્લાર્ક	૨.૫૦ લાખ ડોલર

સાઉથ આફ્રિકા

ડુમિની	૩ લાખ ડોલર
જી.બોદી	૧ લાખ ડોલર
વાન વિક	૧ લાખ ડોલર
હેન્ડેર્સન	૧ લાખ ડોલર
અબ્દુલ્લા	૨૫ હજાર ડોલર

ન્યુઝીલેન્ડ

ફ્રેન્કલીન	૫૦ હજાર ડોલર
રાયડેર	૧ લાખ ડોલર
મિલ્સ	૧.૫૦ લાખ ડોલર

શ્રીલંકા

કાપુગેડેરા	૧.૫૦ લાખ ડોલર
વિરરત્ને	૫૦ હજાર ડોલર
કુલાસેકરા	૧ લાખ ડોલર
તુષારા	૧ લાખ ડોલર

વેસ્ટ ઇન્ડિઝ

એડવર્ડઝ	૧.૫૦ લાખ ડોલર
રોચ	૫૦ હજાર ડોલર
પોલાર્ડ	૬૦ હજાર ડોલર
સ્મિથ-ટેલર	હજુ અનિશ્ચિત

બાંગ્લાદેશ

મોર્તઝા	૫૦ હજાર ડોલર
અશરફુલ	૭૫ હજાર ડોલર
શકીબ	૭૫ હજાર ડોલર
તમીમ	૫૦ હજાર ડોલર