ભાવનગર,

એસ.બી.એસ. કૃષ્ણનગર શાખામાં આજે રૂા. ૫૦૦ના દરની ત્રણ બનાવટી નોટો ભરણામાં આવતાં, બેંક મેનેજરે શકમંદ વિરૂઘ્ધ બી ડીવીઝન પોલીસમાં ફરિયાદ નોંધાવી છે.

બેંક મેનેજરે શકમંદ વિરૂઘ્ધ ફરિયાદ નોંધાવી

આ અંગે જાણવા મળતી વિગતો મુજબ, સ્ટેટ બેંક ઓફ સૌરાષ્ટ્ર કૃષ્ણનગર શાખામાં આજે ગ્રાહકો તરફનાં ભરણા દરમ્યાન રૂા. ૫૦૦ના દરની ત્રણ બનાવટી નોટો આવી હતી. આ અંગે બેંકનાં કર્મચારીએ મેનેજર જીતેન્દ્રભાઈ રાવળને જાણ કરી હતી. જે અંગે મેનેજરે શાખાનાં ખાતેદાર એચ.વી. ચારણીયા વિરૂઘ્ધ શકનાં આધારે બી ડીવીઝન પો.સ્ટે.માં ફરિયાદમાં નોંધાવી હતી. મેનેજરે ફરિયાદમાં ઉમેર્યું ક શકમંદે પહેલા ૪૯ હજારનું ભરણું ભર્યું હતું. બાદમાં, તેમના પુત્ર આ જ ખાતામાં રૂા. ૪૦ હજાર ભરી ગયા હતાં આમ, બે અલગ અલગ ભરણામાં કોઇપણ સમયે આ ત્રણ બનાવટી નોટો ભરણામાં આવી હોવાનું અંતમાં જણાવતા, પોલીસે ગુન્હો નોંધી વઘુ તપાસ હાથ ધરી છે.