રોબર્ટસે પઠાણને રન-અપ સુધારવાની સલાહ આપી
પઠાણને અગાઉ ક્યારેય નજીકથી રમતા જોયો ન હતો ઃ રોબર્ટસ

એન્ટિગા, તા. ૬

’૭૦ના દાયકાના વિન્ડીઝના મહાન ફાસ્ટ બોલર એન્ડી રોબર્ટસે ભારતના ઓલરાઉન્ડ પઠાણને બોલંિગની કેટલીક ટિપ્સ આપી હતી તેમજ દબાણના સમયે કેવી રીતે ધીરજ જાળવવી તેની શીખ આપી હતી. તેમના આ ‘સેશન’ને કરેક્ટિવ સેશનનું નામ અપાયું હતું. ભારત-વિન્ડીઝ વચ્ચે ચોથા દિવસની રમત પૂરી થયા બાદ ગ્રાઉન્ડ પર પઠાણ અને રોબર્ટસની આ જોડી દેખાઈ હતી. આ વેળાએ એનિમેટેડ પ્રીન્ટ અને ટેલિવિઝન મીડિયાના પત્રકારો પણ હાજર હતા.

પઠાણની ખામી અંગે ચેપલનું ઘ્યાન દોર્યું હતું

સેશન બાદ રોબર્ટસે કહ્યું હતું કે, મને લાગે છે કે તેને તેના રન-અપના છેલ્લા બે તબક્કામાં મુશ્કેલી થાય છે મેં તેના ઉકેલનો પ્રયાસ કર્યો હતો. જો તમે તમારો રન-અપ બરાબર નહિ રાખો તો તેમના એકશનમાં ખામી રહેશે જ.

રોબર્ટ્‌સે ઉમેર્યું હતું કે આની પહેલા તેણે પઠાણને ક્યારેય નજીકથી બોલંિગ કરતા જોયો ન હતો. માત્ર, આજે સવારે પ્રેક્ટિસ સેશનમાં તેને જોવામાં આવ્યો હતો. તેને જોયા બાદ કોચ ચેપલનું મેં ઘ્યાન દોર્યું હતું. ચેપલે મને કહ્યું હતું કે જો હું પઠાણને આ અંગે કંઈક સલાહ આપું તો તે ખુશ થશે. પઠાણના એકશનને મજબૂત બનાવવા માટે રોબર્ટ્‌સે તેને સ્ટમ્પથી દૂર બોલ ફેંકવાની સલાહ આપી હતી.

રન-અપ આપ્યા વગર ૪ બોલ નાખે તો તેના માટે વઘુ સારું રહેશે, એમ રોબર્ટ્‌સે ઉમેર્યું હતું. આવી રીતે પઠાણે એક દડો નાખ્યો તો રોબર્ટસે તેના રન-અપને માપીને બતાવ્યું કે આ ૨૩ પગલાં જેટલો છે.