ટીવી ચેનલો દર વરસે ફેવરીટ એવોર્ડઝનો પ્રોગ્રામ રાખે છે જેમાં ફેવરીટ સાસુ, ફેવરીટ બહુ, ફેવરીટ દેવર, ફેવરીટ જેઠાની... એવી ૩૯ સગાઈઓના એવોર્ડો આપ્યા કરે છે. (સાલું, આમાં ‘ફેવરીટ સાલી’નો એવોર્ડ કેમ નથી હોતો ?)
એની વે, અમને એમ વિચાર આવે છે કે અમુક ફેવરીટ એવોર્ડો તો એ લોકો કદી આપતા જ નથી...
* * *
ફેવરીટ ઘરઘાટી
યાર, આટલા બધાં અબજપતિ પરિવારો છે, એકાદ બે ઐતિહાસિક સિરીયલોમાં તો એક મિનીટ ‘હમ લોગ’ કે ‘બુનિયાદ’ને ઐતિહાસિક કહેવાય કે સાત વરસ ચાલેલી ‘ક્યું કિ સાસ...’ને ઐતિહાસિક કહેવાય ?) એની વે, એ ઐતિહાસિક સિરીયલોમાં તો રાજવી પરિવારો પણ છે છતાં ક્યાંય કોઈ ઘરઘાટી કેમ નથી દેખાતા? શું સોમનાથના રાજા ભીમદેવ કે પેલા ચોટલીવાળા ચાણક્ય જાતે જ રાંધીને ખાતા હતા ?
* * *
ફેવરીટ કામવાળી ઃ
આ એવોર્ડ આપવામાં પેલા શાઈની આહુજાએ એટલી ઉતાવળ કરી કે બિચારાને ૧૬ મહિના જેલમાં જવાનો વારો આવ્યો !
પણ સિરીયસલી યાર, કોઈ સિરીયલમાં ‘પતિ પત્ની ઔર કામવાલી બાઈ’ ટાઈપની સ્ટોરી કેમ નથી હોતી)
* * *
ફેવરીટ બ્યુટી-પાર્લરવાળી ઃ
તમામ સિરીયલની એકટ્રેસો (ડોશીનો રોલ કરતી હોય તો પણ) આઈબ્રો, ફેસિયલ, સ્કીન પોલીશ, ગુ્રમંિગ, મેનીક્યોર, પેડિક્યોર... એવી સત્તર જાતની ટ્રિટમેન્ટો દર પંદર દહાડે કરાવવા જતી હોય એવું દેખાઈ આવે છે. પણ જે બ્યુટિ-પાર્લરમાં છ-છ કલાક બેસીને આ મેડમો ગામ આખાની ગોસિપો કરતી રહે છે ત્યાંની બ્યુટી પાર્લરવાળીને કેમ કોઈ દહાડો બતાડતા નથી?
* * *
ફેવરીટ છાપાંવાળો ઃ
આવડું મોટું ફેમિલી હોય, ૨૫ કરોડનો બંગલો હોય, અને એમાં છાપું જ ના આવતું હોય? ચલો, ૫૦ તોલા સોનાનાં ઘરેણાં પહેરેલી જેઠાણી છાપામાંથી કુપન કાપતી હોય એવો સીન ના બતાડો તોય વાંધો નથી, પણ સવાર સવારના કોઈ છાપાંવાળો છાપું નાંખી જતો હોય એવું તો બતાડો ?
* * *
ફેવરીટ ટીવી, યાર !
ચલો, બિચારા ઉપર લખેલાં પાત્રો ધનવાન પરિવારો માટે ગરીબ અને મામૂલી હશે પણ સાહેબો, એમના આવા તોતંિગ બંગલાઓમાં ૬૨ ઈંચનાં હાઈ ડેફિનેશન થ્રીડી ટીવી તો બતાડો ?
- મન્નુ શેખચલ્લી
