રહસ્યમય કાર્ડ (ટેરટ) દ્વારા સાપ્તાહિક રાશિ ભવિષ્ય

રહસ્યમય કાર્ડ (ટેરટ)નો ઉદ્ભવ આશરે ૧૪મી સદીમાં થયો હોવાનું મનાય છે. મૂળ ઇજીપ્શિયન લોકો દ્વારા સાંકેતિક ચિત્રોવાળા કાર્ડનો ભાવિ ફળાદેશ જાણવા ઉપયોગ થયેલો છે અને યુરોપમાં એક સ્થળેથી બીજા સ્થળે ફરતા જીપ્સીઓએ ટેરટ કાર્ડને વધુ પ્રચલિત બનાવેલા છે. ૧૭મી સદીના અંત સમયે અને ૧૮મી સદીની શરુઆતમાં એલિફ લેવી નામના કેથલીક પાદરી, શિક્ષક અને લેખકે આજના ટેરટ કાર્ડનું વ્યવસ્થિત સ્વરૃપ આપેલું છે. ટેરટ કાર્ડ અને જ્યોતિષના સમન્વય દ્વારા અહીં આપનું રાશિ ભવિષ્ય રજૂ કરવામાં આવેલું છે.
મેષ (અ. લ. ઇ.) ઃ Nine of Swords - નાઇન ઓફ સ્વોર્ડ્સનું ઉલટું આવેલું કાર્ડ તમારા માટે કોઈ ચિંતા ઉદ્ભવે તેવી ઘટના બનવાનું સૂચવી જાય છે. કુનેહપૂર્વક ઉદ્ભવેલી સમસ્યાનો ઉકેલ મેળવી શકાશે સ્વ-પ્રયત્નો દ્વારા કરવામાં આવતા કાર્યોમાં સરળતા રહેશે. ખર્ચાઓ વધુ થશે. તા. ૪, ૫, શુભ.
વૃષભ (બ. વ. ઉ.) ઃ Found of wands - ફોર ઓફ વોન્ડસનું કાર્ડ કૌટુંબિક કાર્યોમાં યશ પ્રાપ્ત થવાનું સૂચવી જાય છે. કૌટુંબિક સમસ્યાઓનો સુખદ અંત આવશે. દૂર વસતા સગા- સ્નેહી તમારે ત્યાં થોડા સમય માટે રહેવા આવશે. ટૂંકી મુસાફરીનો યોગ ઉદ્ભવશે તા. ૧, ૨, ૩, ૬, ૭ શુભ.
મિથુન (ક. છ. ઘ.) ઃ Six of Cups - સિક્સ ઓફ કપ્સનું ઉલ્ટું આવેલું કાર્ડ હળવાશથી મજાકમાં લેવાતી વાતો ગંભીર સ્વરૃપ ન લે તે માટે કુટુંબની વ્યક્તિઓ સાથે કાળજી રાખવા સૂચવી જાય છે. વધુ પડતો આત્મવિશ્વાસ નુકસાનકારક પુરવાર થશે મિત્રોની અને વડીલ વ્યક્તિઓની સલાહ- સૂચનાઓનો અમલ લાભકર્તા નીવડશે. તા. ૪, ૫ શુભ.
કર્ક (ડ. હ.) ઃ Page of wands - પેજ ઓફ વોન્ડ્સનું કાર્ડ આગામી દિવસો માટે તમારે કઈ રીતે કુટુંબની વ્યક્તિઓ સાથે સંબંધો રાખવા છે તે માટે મહત્ત્વનો નિર્ણય લઈ શકવાનું સૂચવી જાય છે. નાણાંકીય બાબતોમાં આવેલી મુશ્કેલીઓ દૂર થઈ શકશે. શુભ સમાચાર પ્રાપ્ત થશે તા. ૧, ૨, ૩, ૬, ૭ શુભ.
સિંહ (મ. ટ.) ઃ Wheel of Fortune - વ્હીલ ઓફ ફોર્ચ્યુનનું કાર્ડ ન ધારેલા લાભદાયક ફેરફારો ઉદ્ભવી શકવાનું સૂચવી જાય છે. કૌટુંબિક કાર્યમાં યશ મળશે એકાદ શુભ પ્રસંગની ઉજવણી તમારા આનંદ ઉત્સાહમાં વધારો કરશે. મિત્રો અને વડીલ વ્યક્તિઓ સાથેની મુલાકાત યાદગાર બની રહેશે. તા. ૧, ૨, ૩, ૪, ૫ શુભ.
કન્યા (પ. ઠ. ણ.) ઃ Eight of wonds એઇટ ઓફ સ્કવોર્ડનું કાર્ડ તમારી વર્તમાન સમસ્યાઓના ઉકેલ માટે તક પ્રાપ્ત થવાનું સૂચવી જાય છે. કોઈ કાર્યમાં અવરોધ સર્જાયેલો હશે તો તેનો ઉકેલ આવશે અચાનક ધનલાભ પ્રાપ્ત થશે. વ્યવસાય ક્ષેત્રે લાભદાયક ફેરફારો આવશે તા. ૪, ૫, ૬, ૭ શુભ.
તુલા (ર. ત.) ઃ Page of Pentacles - પેજ ઓફ પેન્ટાકલ્સનું કાર્ડ તમારા એકાદ મહત્ત્વના કાર્યનો સફળતાપૂર્વક અંત આવવાનું સૂચવી જાય છે. પરંતુ નવા કાર્યોની શરુઆત માટે હાલ પૂરતું ઉતાવળા ન બનવા ચેતવણી આપે છે. એકાદ મહિના પછી નવા કાર્યોની શરુઆત થઈ શકશે. તા. ૬, ૭ શુભ.
વૃશ્ચિક (ન. ય.) ઃ Two of Cups - ટુ ઓફ કપ્સનું કાર્ડ નવી વ્યક્તિઓના પરિચયમાં આવવાની તક પ્રાપ્ત થવાનુ સૂચવી જાય છે. તમારી પ્રિય વ્યક્તિ સાથેની મુલાકાત દરમિયાન આગામી સમય દરમ્યાનનું યોગ્ય આયોજન કરી શકવા અંગે વિચારણા થઈ શકવા સૂચવી જાય છે. ખર્ચાઓ વધુ પ્રમાણમાં થશે. તા.૧, ૨, ૩ શુભ
ધન (ભ. ધ. ફ. ઢ.) ઃ The Highpriestess -ધ હાઇપ્રિસ્ટનું કાર્ડ તમને કોઈ સરસ મઝાની ભેટ પ્રાપ્ત થવાનું સૂચવી જાય છે. સંતાનોની કારકિર્દી તથા વધુ અભ્યાસ અંગે મહત્ત્વના નિર્ણયો લઈ શકાશે સહકુટુંબ ટૂંકી મુસાફરી થશે. નોકરીયાત વર્ગની વ્યક્તિઓને પ્રમોશન મળશે. તા. ૧, ૨, ૩, ૪, ૫ શુભ.
મકર (ખ. જ.) ઃ Seven of Pentacles - સેવન ઓફ પેન્ટાકલ્સનું કાર્ડ વર્તમાન સમય દરમિયાન તમારી રહેણીકરણીમાં નવા ફેરફારો ઉદ્ભવવાનું સૂચવી જાય છે. આવકમાં વધારો થશે નાણાંકીય દ્રષ્ટિએ નવા રોકાણ અંગે યોગ્ય નિર્ણય લઈ શકશો, મિત્રો સાથેની મુલાકાત આનંદદાયક બનશે તા. ૪, ૫, ૬, ૭ શુભ.
કુંભ (ગ. શ. સ. ષ.) ઃ Jusitce - જસ્ટીસનું કાર્ડ તમારા ભૂતકાળના અનુભવોને ધ્યાનમાં લઈ વર્તમાન સમય દરમ્યાન નવા કાર્યો માટે નિર્ણયો લેવા સૂચવી જાય છે. વધુ પડતો આત્મવિશ્વાસ નુકસાનકારક પુરવાર થશે. મિત્રો દ્વારા તમારા જે પ્રમાણે ભૂતકાળના સંબંધો સહુ સાથે રહ્યા હશે તે પ્રમાણેનો સહકાર હાલ પૂરતો મેળવી શકશો તા. ૬, ૭ શુભ.
મીન (દ. ચ. ઝ. થ.) ઃ Lovers - લવર્સનું કાર્ડ અવિવાહિત વ્યક્તિઓ માટે યોગ્ય જીવનસાથીની પસંદગીની તક ઉદ્ભવવાનું સૂચવી જાય છે. તમારી પ્રિય વ્યક્તિ અચાનક તમારે ત્યાં મળવા આવતા તમને આશ્ચર્ય થશે. વધુ પડતા લાગણીવશ બની જાવ તેવી ઘટના બનશે. તમારા આનંદ ઉત્સાહમાં વધારો થશે તા. ૧, ૨, ૩ શુભ.