આલ્બુકર્ક તા.૪
મશીનગનની બુલેટ (ગોળી કે કારતૂસ)માં પ્રોસેસર કે બીજાં વીજાણું સાધનો ગોઠવી શકાય ખરાં કે ? એ દિશામાં સાંડિયા નેશનલ લેબોરેટરીના એંજિનિયર્સ સંશોધન કરી રહ્યા છે. એક સમર્થનવિહોણા અહેવાલ મુજબ એમને આ સંશોધનમાં કામિયાબી મળવાની શક્યતા ઊજળી બની છે.
શસ્ત્ર નિષ્ણાતો કહે છે કે સંશોધકોએ બનાવેલી મિનિએચર ગાઇડન્સ સિસ્ટમ એક યુગસર્જક શોધ છે. છેલ્લાં ત્રણ વર્ષથી થઇ રહેલું આ સંશોધન ભાવિ યુદ્ધભૂમિ પર ઉપયોગી થઇ શકે એવું છે અને એમાં ટેક્નોલોજી તથા માહિતીનો સમન્વય થયો છે.
લેસર સંચાલિત પોઇન્ટ ફિફ્ટી કેલિબરની બુલેટ બનાવનાર એંજિનિયર રેડ જોન્સે કહ્યું કે આ મિનિએચર ઇન્સ્ટ્રુમેન્ટ જોઇને મારું ભેજંુ ચકરાઇ જાય છે. કલ્પના પણ ગોથું ખાઇ જાય એવી દિશામાં અમે જઇ રહ્યા છીએ એમ લાગે છે.
