અમેરિકી વિસ્તાર અલાસ્કાના પૂર્વ ગવર્નર સારાહ પાલિને આગામી વર્ષે યોજાનાર પ્રમુખ પદની ચૂંટણી લડવાનો સાફ ઇન્કાર કરી દીધો છે અને કહ્યું છે કે તે રિપબ્લિકન પાર્ટી માટે કામ કરી શકે છે. સારાહ પાલિનના ઇન્કારથી છેલ્લા કેટલાક દિવસથી ચાલી રહેલી અટકળોનો અંત આવી ગયો છે.
હજુ સુધી એવી ચર્ચા ચાલી રહી હતી કે સાલાહ પાલિન આગામી વર્ષે યોજાનાર પ્રમુખપદની ચૂંટણી લડશે. પોતાની વેબસાઈટ પર પાલિને કહ્યું છે કે વ્યાપક વિચારણા કર્યા બાદ તેઓ અમેરિકાના પ્રમુખપદ માટે વર્ષ ૨૦૧૨માં યોજાનારી ચૂંટણીમાં દાવેદારી નહીં કરવાનો નિર્ણય કર્યો છે. પાલિને કહ્યું હતું કે હાલના સમયમાં તેઓ સેવા માટે એક સારા પ્રતિનિધી તરીકે રહીને વધારે મહત્વપૂર્ણ ભૂમિકા અદા કરી શકે છે. આગામી સપ્તાહમાં રનનીતિ ગડી કાઢવામાં મદદરૂપ થશે. પાલિન મામલામાં મીડિયામાં પણ છેલ્લા ઘણા સમયથી અહેવાલો આવી રહ્યા હતા. પાલિન મામલામાં મતદાન પહેલાં કરવામાં આવેલા અભ્યાસથી જાણવા મળ્યું છે કે પ્રમુખ બરાક ઓબામાને આગામી વર્ષે નવેમ્બરમાં યોજાનારી ચૂંટણીમાં પડકાર કોઈ દાવેદાર ફેંકી શકે તેવી સ્થિતિ ઓછી દેખાઈ રહી છે. છતાં ઓબામાની લોકપ્રિયતા હાલના દિવસોમાં ઘટી છે. કારણ કે બેરોજગારીનો આંકડો નવ ટકાથી ઉપર છે. અમેરિકી અર્થતંત્ર કટોકટીના તબક્કામાંથી પસાર થઈ રહ્યું છે. અમેરિકાની મંદીના સમાચાર સમગ્ર વિશ્વમાં ફેલાઈ ચૂક્યા છે. વધતી જતી બેરોજગારી અને મંદીને રોકવામાં તંત્રની નિષ્ફળતાને લઈને ઓબામા સામે પ્રશ્નો ઊભા થઈ રહ્યા છે. તાજેતરમાં જ ઓબામાએ એક ખાસ પેકેજની જાહેરાત કરી હતી. અમેરિકી ફેડરલ રિઝર્વે પણ કબૂલાત કરી છે કે અમેરિકામાં હાલ સ્થિતિ સુધરવાના સંકેત દેખાઈ રહ્યા નથી.