ર્પ્ૢૈંપ્હ્ણપ્ૢ પ્હ્ણદ્ગપ્હ્ણક્રપ્હ્ણગ્નપ્હ્ણેર્પ્હ્ણપ્હ્ણક્રપ્હ્ણગ્ન ર્પ્હ્ણપ્હ્ણક્રપ્હ્ણ્રર્પ્હ્ણૈં પ્હ્ણઙ્મપ્હ્ણગ્નર્પ્હ્ણૈપ્ૢ પ્હ્ણૅપ્હ્ણક્રર્પ્હ્ણપ્ૢઞ્જ ર્પ્હ્ણર્પ્હ્ણૈંપ્ૢ પ્હ્ણ્રપ્ૢહ્વર્પ્હ્ણૈંપ્ૢપ્હ્ણેપ્હ્ણ્રપ્હ્ણખ્પ્હ્ણગ્નપ્હ્ણર્પ્હ્ણૈંપ્ૢહ્વ પ્હ્ણદ્ગપ્ૢઞ્જપ્હ્ણૅ પ્હ્ણૈંપ્હ્ણક્રપ્હ્ણઢ્ઢપ્હ્ણ્ર

સનસનાટીપૂર્ણ ૨જી સ્પેક્ટ્રમ ફાળવણી કેસના સંબંધમાં ભૂતપૂર્વ કેન્દ્રિય પ્રધાન દયાનિધી મારન અને તેમના ભાઇ કલાનિધી મારન સામે મની લોન્ડરિંગ કેસ દાખલ કરાતા તેમના સમર્થકોમાં દહેશતની મોજુ ફરી વળ્યું છે. આ કેસ પ્રવેન્શન ઓફ મની લોન્ડરિંગ એક્ટ હેઠળ દાખલ કરવામાં આવ્યો છે. એરસેલ-મેક્સીસ સોદાબાજીમાં મારન બંધુઓ દ્વારા ગેરરિતિ સાથે સંબંધિત આ કેસ છે. ૫૫૦ કરોડના ભ્રષ્ટાચાર સાથે સંંબંધિત આ મામલો છે. ભૂતપૂર્વ કેન્દ્રીય ટેલિકોમ પ્રધાન મારનને ગયા વર્ષે કેબિનેટમાંથી રાજીનામુ આપી દેવાની ફરજ પડી હતી. અગાઉ મારન સામે આક્ષેપ કરવામાં આવ્યો હતો કે, વર્ષ ૨૦૦૪-૦૫માં ટેલિકોમ લાઇસન્સની મંજુરીમાં એરસેલ કરતા મલેશિયન કંપની મેક્સિસની તેઓએ તરફેણ કરી હતી. મારને આ તમામ આક્ષેપોને રદિયો આપ્યો હતો સીબીઆઈ પણ મારન, તેમના ભાઇ અને સન ટીવીના એમડી કલાનિધી સામે તપાસ કરી રહી છે. તેમની સામે પણ આક્ષેપો કરવામા આવી ચૂક્યા છે. સીબીઆઈ સોદાબાજીમાં સંંબંધમાં તપાસ કરી રહી છે. બીજી બાજુ એન્ફોર્સમેન્ટ કેસ અહેવાલ દાખલ કરવામાં આવી ચૂક્યો છે. એજન્સી ૨જી કેસમાં અન્ય એક કેસ પણ દાખલ કરી ચુકી છે. એનડીએના શાસન દરમિયાન થયેલા કરાર મામલે પણ તપાસ ચાલી રહી છે. વર્ષ ૨૦૦૧-૦૩ દરમિયાન વધારાના ૨જી સ્પેક્ટ્રમની મંજુરીની ગેરરીતિ બદલ ટેલિકોમ કંપનીઓ સામે તપાસ ચાલી રહી છે. ઇડી દ્વારા હવે તેના ઇસીઆઈઆરમાં વ્યક્તિગતોના નિવેદનો નોંધવાની કવાયત હાથ ધરશે. મારન બંધુઓ ૨જી કૌભાંડના કારણે સકંજામાં આવી ચુક્યા છે. આગામી દિવસો મારન બંધુઓ માટેે પણ કાયદાકીય ગૂંચવણ વાળા રહે તેવી સંભાવના છે.