ટિકિટોની માગણીને પહોંચી વળવા માટે રેલવેએ હવે એડ્વાન્સ રિઝર્વેશનની અવધિ 90 દિવસથી વધારીને 120 દિવસ સુધી લંબાવવાનો નિર્ણય લીધો છે, જે દસમી માર્ચથી અમલી બનશે.
રેલવેના વાણિજ્ય વિભાગના એક અધિકારીએ કહ્યું હતું કે, હવે કોઇ પણ મુસાફર તેની ટિકિટ પ્રવાસની તારીખના 120 દિવસ પહેલા રિઝર્વેશન કરી શકશે. સેન્ટ્રલ ફોર રેલવે ઇન્ફર્મેશન સિસ્ટમ (સીઆરઆઇએસ) આ હેતુથી તેના સોફ્ટવેરમાં જરી ફેરફાર કરશે.
અધિકારીએ જણાવ્યું હતું કે, રેલવે ટિકિટ અગાઉથી બુક કરવા માટે ચાર મહિનાની અવધિ એવા લોકોને મદદપ થશે, જેમણે ઉનાળાની રજાઓ કે તહેવારો દરમિયાન રેલવે પ્રવાસ કરવાનો હોય છે.
અધિકારીના જણાવ્યાનુસાર, તાજ એક્સપ્રેસ અને ગોમતી એક્સપ્રેસ જેવી નાના અંતરની ટ્રેનના એડ્વાન્સ રિઝર્વેશનની અવધિ 15 દિવસની હોય છે, જેમાં કોઇ ફેરફાર નહીં થાય. જ્યારે વિદેશી મુસાફરો માટે એડ્વાન્સ રિઝર્વેશનનો સમય પહેલાની જેમ 360 દિવસનો જ રહેશે.