કેન્દ્ર સરકારે માર્ચના મધ્યમાં ગુજરાતની મુલાકાતે આવી રહેલ બે ઉચ્ચ સ્તરના ચીની પ્રતિનિધિમંડળનો કાર્યક્રમ રદ કરવા ગુજરાત સરકારને સૂચના આપી છે.
સાત સભ્યોનું પ્રતિનિધિમંડળ ગુજરાતના મુખ્યપ્રધાન નરેન્દ્ર મોદીને મળવા આવી રહ્યું છે. આ પ્રતિનિધિમંડળ ચીનના ઝેજીયાંગ પ્રાંતના વાઇસ ગવર્નર ચેન જીયાયુઆનની આગેવાની હેઠળ આવી રહ્યું છે. આ એ પ્રાંત છે જ્યાં એક હોટલમાં બે ભારતીય વ્યાપારીઓને નજરકેદ કરી દેવામાં આવ્યા હતાં અને ભારતના મિશનની જહેમત બાદ મહા મુસિબતે તેમને છોડાવી શકાયા હતાં. આ ઘટનામાં પ્રાંત સરકારે કોઇ મદદ કરી નહોતી તેથી કોઇ પ્રાંતના લોકોને ગુજરાતમાં આવવા આમંત્રણ દેવું ન જોઇએ તેવી વિદેશ મંત્રાલયની એક નોંધમાં જણાવવામાં આવ્યું છે.
આ મુલાકતને ચીનના ટોચના વિદેશી બાબતોના પોલીસી મેકિંગ જૂથનું સંપૂર્ણ સમર્થન પ્રાપ્ત છે.